Օբաման զանգել է Պուտինին

Կրեմլի մամլո ծառայությունը հայտնել է, որ  ՌԴ եւ ԱՄՆ նախագահները հեռախոսային  բանակցություններ են վարել` քննարկելով Ուկրաինայի եւ Սիրիայի հարցերը:

Ինչպես նշվում է պաշտոնական հաղորդագրության մեջ,  նախագահներ Օբաման եւ Պուտինը աջակցություն են հայտնել  Ուկրաինայի արեւելքում հումանիտար օգնության ցուցաբերմանն ու հրադադարի ամրապնդմանը:

 Իր հերթին Վլադիմիր Պուտինն առաջարկել է Սիրիայում միասնական հակաահաբեկչական ճակատ ստեղել:

«Զրույցը կրել է անկեղծ եւ գործնական բնույթ», նշվում է Կրեմլի պաշտոնական հայտարարությունում:

Սպիտակ տան մամուլի ծառայությունը նշում է, որ  Բարաք Օբաման զրույցի ընթացքում  ընդգծել է, որ Ռուսաստանը  պետք է դադարեցնի ավիահարվածները Սիրիայի չափավոր ընդդիմության դիրքերի ուղղությամբ: