ՌԴ ապրանքաշրջանառությունը ԵՄ երկրների հետ նվազել է շուրջ 2 անգամ. Մեդվեդև

ՌԴ ապրանքաշրջանառությունը ԵՄ երկրների հետ, պատժամիջոցների կիրառման և նավթի գնի անկման հետ կապված, էականորեն նվազել է` 450 մլրդ եվրոյից հասնելով 235 մլրդի: Այս մասին հայտարարել է ՌԴ վարչապետ Դմիտրի Մեդվեդևը` Մյունխենում անվտանգության հարցերով համաժողովի ժամանակ:

BBC-ից տեղեկանում ենք, որ Մեդվեդևն ասել է նաև, որ վերջին տարիների պատկերը բավական տխուր է.«Պատկերացնո՞ւմ եք` ապրանքաշրջանառությունը 450 մլրդ եվրոյից հասել է 235 մլրդի` նման ցուցանիշները, մեղմ, ասած,  այնքան էլ ոգևորիչ չեն»:

Գերմանիայի հետ ապրանքաշրջանառությունն, օրինակ, կրճատվել է 1/3-ով, իսկ ֆինանսական պատժամիջոցների կիրառման հետևանքով եկամտի կորուստը կազմել է 170 մլրդ դոլար: