ՖԻԴԵ-ի դասակարգման աղյուսակ. Արոնյանը 6-րդն է

Շախմատային միջազգային ֆեդերացիան (ՖԻԴԵ) արդեն ներկայացրել է վարկանիշային աղյուսակները դեկտեմբերի 1-ի դրությամբ: Ինչպես տեղեկացնում է  Chess.am-ը, Աշխարհի 100 ամենաուժեղ շախմատիստների ցանկում առաջինն է աշխարի գործող չեմպիոն, նորվեգացի  Մագնուս Կարլսենը (2834): Հայաստանի հավաքականի առաջատար Լևոն Արոնյանը (2788) 6-րդ հորիզոնականում է:

Ցանկում են նաև՝ Գաբրիել Սարգսյանը (2702), Սերգեյ Մովսիսյանը (2659) և Հրանտ Մելքումյանը:

Աշխարհի 100 լավագույն կին շախմատիստների ցանկի առաջին տեղում չինուհի Հոու Յեֆանն է (2683):  Հայ շախմատիստուհիներից Էլինա Դանիելյանը (2445) 39-րդն է, իսկ Լիլիթ Մկրտչյանը (2440) 44-րդը:

Աշխարհի 100 լավագույն երիտասարդ շախմատիստների ցանկի 12 -րդ տեղում գտնվում է ԿարենԳրիգորյանը (2602), իսկ Հովհաննես Գաբուզյանը  (2585)` 19-րդ տեղում:  Ցանկում է նաև Մանուել Պետրոսյանը (2466):

Թիմային դասակարգմամբ Հայաստանը զբաղեցնում է 7-րդ տեղը: