Սրանից հետո ամեն մի հարցազրույցն արժի 500 դոլար, բա յոթ էրեխուս ո՞նց պահեմ. Սամվել Ալեքսանյան

ՀՀԿ խմբակցության պատգամավոր Սամվել Ալեքսանյանն այսօր խորհրդարանում հայտարարեց, որ այսուհետև միայն փողով է հարցազրույց տալու լրագրողներին:

Yerkir.am-ի հարցին, թե` սահմանային այս լարված իրավիճակում չե՞ք պատրաստվում գնալ սահմանամերձ գյուղեր և այնտեղի բնակիչներին օգնել, պատգամավորը պատասխանեց, որ սահմանին լարված չէ, և ինքն էլ այլևս հարցազրույց չի տալու:

«Դուք ձեր սայթերի իմիջն եք ինձանով բարձրացնում, դրա համար պետք ա պայմանավորվենք` սրանից հետո վճարովի է լինելու հարցազրույցը: Որովհետև ես արդեն աստղ եմ դարձել: Սրանից հետո ամեն մի հարցազրույցն արժի 500 դոլար: Բա յոթ էրեխուս ո՞նց պահեմ, ուրիշ բիզնես չունեմ, պետք ա սենց պահեմ: Դուք ինձանով եք ձեր կայքերը պահում»,- ասաց Ալեքսանյանը: