Թուրքիայի հայկական որբանոցում հերթապահողների վրա հարձակում է տեղի ունեցել

Թուրքիայում հերթական հարձակումն է տեղի ունեցել հայկական որբանոցի վրա: Երեկ երեկոյան մի խումբ ֆաշիստներ փայտերով հարձակվել են Թուզլայի հայկական որբանոցում («Քամփ Արմեն») արդեն 127 օր հերթապահող երիտասարդների վրա:

Հարձակման մասին իր պաշտոնական էջում հայտարարություն է տարածել Թուրքիայում գործող հայկական «Նոր Զարթօնք» կազմակերպությունը: Հայտարարության մեջ նշվել է, որ հարձակվողները եղել են 6 հոգի: Որբանոցում գիշերող և դրա ոչնչացման դեմ պայքարող երիտասարդներին հաջողվել է դիմադրել նրանց, սակայն վտանգը դեռևս չի անցել:

Չնայած որբանոցը հայկական հիմնադրամին վերադարձնելու` թուրք պաշտոնյաների խոստումին՝ հայկական որբանոցի ճակատագիրը դեռևս մնում է անորոշ: