ԱԱԾ-ն քիմիական աղտոտվածության օջախներում փրկարարական աշխատանքներ կիրականացնի

Կառավարության առաջիկա նիստում կքննարկվի «Քիմիական աղտոտվածության օջախներում փրկարարական աշխատանքների իրականացման կարգը հաստատելու մասին» օրենքի նախագիծը:

Վերոնշյալ նախագծով կարգավորվում են քիմիական աղտոտվածության օջախներում փրկարարական աշխատանքների իրականացման հետ կապված հարաբերությունները: Նախատեսվում է կատարել մի շարք աշխատանքներ, որոնց շնորհիվ տեղի կունենա գազազերծում (դեգազացիա)՝ թունավոր նյութերի վնասազերծում դրանց քայքայման, չեզոքացման, հեռացման միջոցով, կիրառելով քիմիական, ֆիզիկաքիմիական և մեխանիկական մեթոդներ, կենդանիների, տեխնիկայի, սպառազինության, շինությունների լիակատար գազազերծում, քիմիական աղտոտվածության օջախներում փրկարարական աշխատանքների իրականացում, որը ենթադրում է անվտանգության կանոնների պահպանությամբ փրկարարական, որոնողափրկարարական, գազափրկարարական, հրդեհաշիջման, բուժասանիտարական միջոցառումների համալիր աշխատանքների իրականացում:

Քիմիական աղտոտվածության օջախներում փրկարարական աշխատանքների իրականացման գործընթացում ներգրավված են  Հայաստանի Հանրապետության տարածքային կառավարման և արտակարգ իրավիճակների նախարարությունը, ՊՆ-ը, Առողջապահության նախարարությունը, Գյուղատնտեսույթան նախարարությունը, ԱԱԾ-ն և այլ կառույցներ :