Կառավարությունը էլեկտրաէներգիայի սակագնի սուբսիդավորման հարցում խոշոր բիզնեսին չի աջակցի. վարչապետ

ՀՀ վարչապետ Հովիկ Աբրահամյանն այսօր կառավարության նիստի ընթացքում հայտարարեց, որ էլեկտրաէներգիայի սակագների սուբսիդավորման հարցում կառավարությունը չի օգնի խոշոր բիզնեսի ներկայացուցիչներին: Նրա բնորոշմամբ` հասարակության մոտ տպավորություն է ստեղծվել, թե կառավարությունը պատրաստ է սուբսիդավորել էլեկտրաէներգիայի սակագնի բարձրացումը ոչ միայն բնակչության, այլ նաև խոշոր բիզնեսի համար: «Իրականում, իրավիճակը բոլորովին այլ է:

Հանրապետության նախագահը հայտարարել է, որ մենք մեզ վրա ենք վերցնում բնակչության բեռը: Մենք մտածում ենք նաև փոքր ու միջին բիզնեսին աջակցելու եղանակների մասին: Բայց չեմ կարծում, որ կառավարությունը պետք է ֆինանսավորի նաև խոշոր բիզնեսը»,- հայտարարեց Աբրահամյանը: