Հրդեհ ԿԳՆ շենքում

ՀՀ կրթության և գիտության նախարարության շենքում այսօր՝ ժամը 13-ի սահմաններում, հրդեհ է բռնկվել, տեղեկացնում է Տարածքային կառավարման և արտակարգ իրավիճակների նախարարությունը։

Ըստ ՏԿԱԻՆ կայքի՝ հրդեհը բռնկվել է նախարարության հաշվապահության և հաշվառման բաժնի սենյակում:

 Հիշեցնենք, որ այսօր՝ ժամը 13.14-ին, ՏԿԱԻՆ–ում ահազանգ է ստացվել, որ Կառավարության թիվ 3 մասնաշենքի 6, 7, և 8-րդ հարկերից ծուխ է նկատվում:

Դեպքի վայր էին մեկնել ՃԿԱԿ օպերատիվ և ԱԻ արձագանքման խմբերը, 6 մարտական հաշվարկ և 1 ավտոսանդուղք:

 Հրդեհը մեկուսացվել է ժամը 14.04-ին, մարվել՝ 14.08-ին:

Մասամբ այրվել է 7-րդ հարկում գտնվող ՀՀ կրթության և գիտության նախարարության հաշվապահական հաշվառման սենյակը՝ գույքով (20) քմ: