Չեմպիոնների լիգա. «Փյունիկ»-ը խոշոր հաշվով պարտվեց «Մոլդե»-ին

 ՈւԵՖԱ-ի Չեմպիոնների լիգայի որակավորման 2-րդ փուլի առաջին խաղում Երևանի «Փյունիկ»-ը հյուրընկալվելիս 5:0 հաշվով պարտվեց Նորվեգիայի չեմպիոն «Մոլդե»-ին:

36-րդ րոպեին տանտերերի 20-ամյա հարձակվող Էլյունուսին բացեց հաշիվը, իսկ 8 րոպե անց նորվեգացի երիտասարդ ֆուտբոլիստը ձևակերպելով դուբլ կրկնապատկեց իր թիմի առավելությունը: Խաղի վերջին 10 րոպեներում երևանյան թիմը 3  գնդակ ընդունեց սեփական դարպասը: 84-րդ և 92-րդ րոպեներին  Այվազովի դարպասը գրավեց Կամարան, իսկ 95-րդ րոպեին Մոստրոմը հաշիվը դարձրեց 5:0:

 «Փյունիկ»-ը պարտվեց խոշոր 5:0 հաշվով և պատասխան խաղից առաջ տեսականորեն կորցրեց հաջորդ փուլ դուրս գալու շանսերը:

 Թիմերի պատասխան հանդիպումը տեղի կունենա մեկ շաբաթ անց` Երևանում: