Բախումներ ուկրաինական քաղաքում. զոհեր եւ վիրավորներ

Ուկրաինայի արեւմտյան  Մուկաչեւո  քաղաքում տեղի է ունեցել փոխհրաձգություն  «Պրավի սեկտորի» անդամների եւ իրավապահների միջեւ:

Ինչպես Twitter-ում հայտնել է Ուկրաինայի նախագահ Պյոտր Պորոշենկոն, փոխհրաձգության հետեւանքով կան զոհեր եւ վիրավորներ:

Ներքին գործերի նախարար Արսեն Ավակովը Facebook-ի իր էջում գրել է, որ զոհվել է 4 քաղաքացի եւ երեք ոստիկան:

Ինչպես հայտնում է BBC-ն, «Պրավի սեկտորի» անդամներն արդեն որոշ ժամանակ կոնֆլիկտի մեջ են տեղի օլիգարխների հետ, որոնք հովանավորում են թմրավաճառքը, մարմնավաճառությունը:

«Պրավի սեկտորի»պաշտոնական կայքում նշվում է, որ պատգամավոր Լանյոյի մարդիկ ցանկացել են ոչնչացնել իրենց կազմակերպության անդամներին, ինչից հետո իրենք հայտարարել են մարտական տագնապ կազմակերպության անդամների համար: