Ոստիկանությունը վերադասավորում է ուժերը. ջրցան մեքենա՝ Ֆրանսիայի հրապարակում

Ոստիկանությունը վերադասավորում է իր ուժերը. այսօր առավոտյան լրագրողների հետ զրույցում ասաց ՀՀ ոստիկանապետ Վլադիմիր Գասպարյանը: Ըստ նրա` ջրցան մեքենա են տեղադրելու Ֆրանսիայի հրապարակում, նաեւ կլինեն ոստիկաններ, եւ դրանից անհանգստանալ պետք չէ:

Իրավիճակը, ըստ Գասպարյանի, կարող է սրվել այն դեպքում, երբ կրկին փողոցներ փակվեն, եւ արկածախնդիրներ հայտնվեն: «Պատկերացնո՞ւմ եք` մի արկածախնդիր կրակոց, մի քար… Այդ ժամանակ աշխատում է մեխանիզմը: Ես քարից եւ գնդակից վախեցող չեմ, ես անցել եմ դրա միջով»,- ասաց ոստիկանապետը:

Նա եւս մեկ անգամ հորդորեց չփակել փողոցները: «Եթե փակվեն, շատ խիստ գործողություններ կլինեն: Մենք հանդուրժում ենք, որ Բաղրամյանը փակ է, բայց չի կարելի փակել մյուս փողոցները»,- ասաց Գասպարյանը, ապա հավելեց. «Մի\' վախեցեք, մենք երկրի ոստիկաններն ենք»: