Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 9 տարի առաջ - 2015-05-26 20:49
Իրավական

Բացահայտվել է թմրամիջոցների ապօրինի շրջանառությամբ զբաղվող կազմակերպված խումբ

Բացահայտվել է թմրամիջոցների ապօրինի շրջանառությամբ զբաղվող կազմակերպված խումբ
ՀՀ քննչական կոմիտեի Երևան քաղաքի քննչական վարչության վարույթում քննվող քրեական գործով բացահայտվել է թմրամիջոցների ապօրինի շրջանառությամբ զբաղվող կազմակերպված խումբ, որը, քննության տվյալներով, հիմնականում զբաղվել է «Ափիոն» տեսակի թմրամիջոցի ապօրինի շրջանառությամբ.   8 մեղադրյալի մասով նախաքննությունն ավարտվել է։


1962 թվականին ծնված ՀՀ քաղաքացու մոտ «Բուպրենորֆին» տեսակի թմրամիջոց պարունակող  դեղահաբ հայտնաբերելու դեպքի առթիվ 2013թ. հուլիսի 24-ին հարուցված քրեական գործի նախաքննությամբ պարզվել է, որ նա զբաղվել է ոչ միայն «Բուպրենորֆին» տեսակի թմրամիջոց պարունակող «Սուբոտեքս» տեսակի հաբերի, այլ նաև՝ «Ափիոն» տեսակի թմրամիջոցի ապօրինի շրջանառությամբ:  Բացահայտվել է «Ափիոն»-ի ապօրինի շրջանառության մի քանի տասնյակ դրվագ, որին մասնակցել են բազմաթիվ անձինք, նրանց թվում՝ Երևանի, Արարատի, Սյունիքի, Գեղարքունիքի մարզերի բնակիչներ։  

Մինչդատական վարույթում ձեռք բերված ապացույցների համակցությամբ՝ մեղադրանք է առաջադրվել 8 անձի։

ՀՀ քրեական օրենսգրքի 266-րդ հոդվածի 1-ին և ՀՀ քրեական օրենսգրքի 266-րդ հոդվածի 4-րդ մասերով մեղադրանքներ են առաջադրվել ՀՀ քաղաքացիներ Ա.Ժամկոչյանին՝ թմրամիջոցների ապօրինի շրջանառության 44 դրվագի համար, Մ.Խերունցին՝  քսանմեկ դրվագի, Լ.Հարությունյանին՝ երեք դրվագի, Ա.Ահարոնյանին՝ երեք դրվագի, Ռ.Խնոսյանին՝ հինգ դրվագի, Ա.Մկրտչյանին՝ չորս դրվագի, Ս.Սիմոնյանին՝ երեք դրվագի, Ս. Գալստյանին՝ վեց դրվագի համար։

Նշված 8 մեղադրյալների մասով նախաքննությունն ավարտվել է, անջատվել առանձին վարույթ: Քրեական գործը՝ մեղադրական եզրակացությամբ, ուղարկվել նախաքննության օրինականության նկատմամբ հսկողություն իրականացնող դատախազին:

«Ափիոն» տեսակի թմրամիջոցների ապօրինի շրջանառության մեջ ներգրավված հնարավոր այլ անձանց մասով նախաքննությունը շարունակվում է, ձեռնարկվում են քննչական և դատավարական գործողություններ նրանց հայտնաբերելու ուղղությամբ։
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը