Ադրբեջանը պետք է ազատի քաղբանտարկյալներին մինչև Եվրոպական խաղերը. Reporters Without Borders

«Լրագրողներ առանց սահմանների» իրավապաշտպան կազմակերպությունը կոչ է արել Ադրբեջանին` ազատել բոլոր ձերբակալված բլոգերներին և լրագրողներին. հայտնում է contact.az-ը:

Կազմակերպությունը նաև կոչ է արել Եվրոպայի օլիմպիական կոմիտեին` դատապարտել ԶԼՄ-ների ներկայացուցիչների նկատմամբ հետապնդումները մի երկրում, որը պատրաստվում է նման խոշոր սպորտային միջոցառում անցկացնել:

«Անթույլատրելի է, որ Ադրբեջանի իշխանությունները ներկայացնում են իրենց որպես նման խոշոր միջոցառման տերեր և, միաժամանակ, մեկուսացնում լրագրողներին քննադատական նկատողությունների համար»,- ասել է Գերմանիայում ընկերության գործադիր տնօրեն Քրիստիան Միրը: