Ապրիլի 24-ին քաղաքացիների հոսքը Ծիծեռնակաբերդ կթույլատրվի միայն 14.00-ից հետո. «ՀԺ»

«ՀԺ» աղբյուրների պնդմամբ, ապրիլի 24-ին քաղաքացիների հոսքը Ծիծեռնակաբերդի հուշահամալիր թույլատրվելու է միայն ժամը 14.00-ից հետո:

«Մինչ այդ՝ Եղեռնի զոհերին հարգանքի տուրք են մատուցելու օտարերկրյա պատվիրակությունները: Սպասվում է, որ այդ օրը Ծիծեռնակաբերդում են լինելու Ֆրանսիայի նախագահ Ֆրանսուա Օլանդը 120 հոգանոց պատվիրակությունով, ՌԴ նախագահ Վլադիմիր Պուտինը, հնարավոր է համարվում նաև Հռոմի պապի և Լեհաստանի նախագահ Բրոնիսլավ Կոմորովսկու այցը: Բացի սա՝ լինելու են օտարերկրյա բարձրաստիճան այլ պատվիրակություններ ևս:

Այս կապակցությամբ անվտանգության բացառիկ միջոցառումներ են ձեռնարկվելու: Հայոց ցեղասպանության թանգարան-ինստիտուտի տնօրեն Հայկ Դեմոյանը երեկ, մեր թղթակցի հարցին ի պատասխան, ոչ հաստատել և ոչ էլ հերքել է սահմանափակումների մասին տեղեկությունները»,–գրում է թերթը։ Մանրամասները՝ թերթի այսօրվա համարում։