Եպիսկոպոսն ու գեներալի որդին Վայոց ձորի մարզում ՀԷԿ են կառուցել. Hetq.am

ՀՀ ՊՆ հատուկ հանձնարարությունների գծով գեներալ Հովիկ Օհանյանի որդին` Դավիթ Օհանյանը, Վայոց ձորի մարզում ՀԷԿ է կառուցել. հայտնում է hetq.am-ը:

«Այժմ էլ ավելացնում է հզորությունը: Բնապահպանության նախարարությունը հայտնում է, որ ապրիլի 3-ին Վայոց ձորի մարզի Հերմոն համայնքի գյուղապետարանում տեղի է ունենալու «Նանե» փոքր հէկի կառուցման փոփոխված նախագծի շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում:

Ըստ ներկայացված նախագծի՝ «Արատես էներջի» ընկերությունը նախատեսում է լրացուցիչ ագրեգատի տեղադրման միջոցով բարձրացնել կայանի հզորությունը 1250 կՎտ-ով: Իսկ մինչ այդ Հանրային ծառայությունները կարգավորող հանձնաժողովը 2014 թ. ամռանը էլեկտրաէներգիայի արտադրության լիցենզիա է տրամադրել «Արատես էներջի» ընկերությանը:

Ընկերությունը Հերմոն համայնքի վարչական տարածքում` Կարակայա գետի Այսաս վտակի վրա կառուցել է 2130 կՎտ հաշվարկային հզորությամբ փոքր հիդրոէլեկտրակայան»,- գրում է կայքը:

Մանրամասն՝ սկզբնաղբյուրում