Երևանի դպրոցներից մեկի դիմաց երկու պատանի է դանակահարվել

Երեկ Երևանի թիվ 195 դպրոցի դիմաց վիճաբանություն է տեղի ունեցել մի խումբ աշակերտների միջև, որն ավարտվել է դանակահարությամբ:

ՀՀ ոստիկանությունից yerkir.am-ին հայտնեցին, որ երեկ`  ժամը 19:20-ին, հիվանդանոցից ոստիկանություն ահազանգ է ստացվել, որ սուր-ծակող գործիքից ստացած վնասվածքով իրենց մոտ են տեղափոխվել 2000-ին ծնված Բ. Ն-ն և 2001-ին ծնված Վ. Ս-ն, ովքեր ի վիճակի չեն եղել բացատրություն տալ: Պարզվել է, որ նրանց վնասվածքներ է պատճառել 195 դպրոցի 11-րդ դասարանի աշակերտ Ս. Ա.-ն, ով ոստիկանության իրականացրած բացատրական աշխատանքների շնորհիվ ներկայացել է ոստիկանության բաժին:

Yerkir.am-ի տեղեկություններով` վնասվածքներ ստացածներից` 15-ամյա Բենիկն այժմ գտնվում է «Արմենիա» բժշկական կենտրոնի վիրաբուժական բաժանմունքում:

Մանրամասները` քիչ անց: