Ռոնալդուն որակազրկվեց 2 խաղով

Այսօր՝ հունվարի 28-ին, Իսպանիայի ֆուտբոլի ֆեդերացիայի կարգապահական կոմիտեն որոշում  է կայացրել Մադրիդի «Ռեալ»-ի հարձակվող Կրիշտիանու Ռոնալդուին  2 խաղով որակազրկելու մասին:

Այսպիսով` պորտուգալացին բաց կթողնի հունվարի 31-ին կայանալիք 21-րդ տուրի տնային հանդիպումը «Ռեալ Սոսյեդադ»ի հետ, ինչպես նաև 16-րդ տուրի հետաձգված տնային հանդիպումը  «Սևիլիա»-ի հետ, որը տեղի կունենա փետրվարի 4-ին:

Հիշեցնենք, որ Լա լիգայի 20-րդ տուրում  Մադրիդի «Ռեալ»-ն արտագնա խաղում 2:1 հաշվով առավելության էր հասել «Կորդոբա»-ի նկատմամբ, իսկ Կրիշտիանու Ռոնալդուն հեռացվել էր խաղադաշտից մրցակցի ֆուտբոլիստին ոտքով հարվածելու պատճառով: