Պատգամավորը միջինը 77 բոնբոներկա է նվիրում հյուր գնալիս

Yerkir.am-ի հումորային բլից-հարցերին պատասխանում է ԱԺ պատգամավոր Տաճատ Վարդապետյանը:

-Ամանորին, Ամանորի գիշերը շա՞տ խմեցիք:

-Չափավոր:

-Քանի՞ բաժակից եք հարբում:

-Չեմ հարբում:

-Ի՞նչն է օգնում դուրս գալ խումարից:

-Սպասը:

-Ամենաուրախ, ամենահիշվող Նոր տարին:

-Առաջնեկիս ծնված տարին:

-Իսկ ամենատխուրը:

-Հորս մահվան տարին (մայրս ողջ էր դեռ):

-Ամենաթանկ ամանորյա նվերը (գումարի առումով), որ ստացել եք:

-Կարծում եմ` դեռ պետք է ստանամ:

-Ամենաօրիգինալ նվերը:

-Երեխաներիս նվիրած փողկապն ու թաշկինակը:

-Տոնը ստացված է, երբ...

-Ուրախ են սեղանի շուրջ նստած բոլորը:

-Առանց ինչի՞ չեք պատկերացնում Ամանորի սեղանը:

-Առանց հյուրի (ժպտում է)…Առանց պասուց տոլմայի:

-Ձեր հանդիպած ամենատպավորիչ Ձյունանուշը:

-Դեռ չեմ հանդիպել:

-Ձմեռ պապն առանց Ձյունանուշի, ինչպես …

-Խաշն առանց սխտորի:

-Ձմեռ պապ լինելու բախտին երբեւէ արժանացե՞լ եք:

- Դեռ ոչ:

-Զոքանչի համար ի՞նչ գնեցիք:

-Գաղտնիք է:

-Ամանորյա գնումներից հետո, մինչեւ հաջորդ աշխատավարձը, գրպանում գումար մնա՞ց:

-Կարծես, այո:

-Հետևեցի՞ք, թե ով որքան կերավ Ձեր՝ Նոր տարվա սեղանից:

- Իհարկե,անշուշտ (ժպտում է):

-Ամանորի սեղան գցելու գործում Ձեր բաժինը:

- Դնում եմ խմիչքը:

-Եղա՞ն մարդիկ, որ մտքում հաշվեցին Ձեր ամանորյա սեղանի արժեքը:

- Պետք է իրենցից ճշտել:

-Միջինը քանի՞ բոնբոներկա եք նվիրում հյուր գնալիս:

- 77:

- Ձեզ նվեր բերված բոնբոներկան քանի՞ անգամ եք ուրիշին նվեր տարել:

- Երևի 86-ը:

-Ինչպե՞ս կարելի է ապրել մարդավարի, եթե յուրաքանչյուր տարի որևէ կենդանու տարի է:

-Մարդավարի:

-Ոչխարից ի՞նչ ակնկալիքներ ունեք:

- Բազում գառներ:

Եվ վերջում` պարոն Վարդապետյանի նամակը` ուղղված Ձմեռ պապիկին:

Ավանդական ազգիս երազ

Իմ հայրենիքը տային,

Կարսից մինչև Վասպուրական

Մինչև Տարոն ու Կարին: