Հերթական հարձակումը՝ Ֆրանսիայում. անհայտ անձը հանձնվել է ոստիկանությանը

Ֆրանսիայի Մոնպելիե քաղաքում ոսկերչական խանութի վրա հարձակում գործած անձը հանձնվել է ոստիկանությանը. գրում է Газета.Ru-ն՝ վկայակոչելով France-Presse-ը:

Երեկ երեկոյան հայտնի էր դարձել, որ անհայտ անձը խանութը թալանելու ժամանակ պատանդ է վերցրել մի քանի մարդու:

Այլ մանրամասներ չեն հաղորդվում:

Դա թվով երրորդ նման հարձակումն է Ֆրանսիայում:

Հիշեցնենք, որ հունվարի 9-ին Շերիֆ և Սաիդ Քուաշիները 1 մարդու պատանդ են վերցրել Փարիզից 50 կիլոմետր հյուսիս գտնվող Դամարտեն ան Գոելում: Հատուկ գործողության արդյունքում նրանք սպանվել են:

Բացի այդ`  Փարիզի հրեական խանութում տղամարդը պատանդ էր վերցրել մի քանի մարդու և պահանջել չհետապնդել Charlie Hebdo-ում սպանդի համար կասկածվող տղամարդկանց: Հատուկ գործողության արդյունքում Ամեդի Կուլիբալի անունով պատանդառուն սպանվել է: