Տիգրանին ծեծել են, հեռախոսն էլ տարել

Դեկտեմբերի 22-ին, ժամը 18.45-ին, ոստիկանության Նոյեմբերյանի բաժնում հաղորդում է ստացվել, որ Բերդավան գյուղում ոմն Արթուր և Արմեն ծեծի են ենթարկել 1985 թ. ծնված Տիգրան Մ.-ին և տարել հեռախոսը:

Մեկնած օպերատիվ խումբը պարզել է, որ Արմենը 1977 թ. ծնված Արմեն Մ.-ն է, որը, ըստ տուժողի հայտարարության, իրենից վերցրել է իր բջջային հեռախոսը, որից հետո Արթուրի ներկայությամբ վիճաբանության է բռնվել իր հետ, ձեռքով և ոտքով հարվածել դեմքին` քթի մասում պատճառելով վնասվածք:

Նշանակվել է դատաբժշկական փորձաքննություն: Ձեռնարկվում են միջոցառումներ Արթուրի անձը պարզելու և նրան հայտնաբերելու ուղղությամբ: Կատարվում է հետաքննություն: