Երկրպագուները Հայաստանի հավաքականին կաջակցեն նաև Պորտուգալիայում

Եվրո-2014-ի ընտրական փուլում ֆուտբոլի Հայաստանի ազգային հավաքականը հոկտեմբերի 14-ին արտագնա խաղում կմրցի Պորտուգալիայի հավաքականի հետ: Այս խաղի կապակցությամբ Հայաստանի ազգային հավաքականի երկրպագուների «Առաջին Ճակատ» (ՖԱՖ) ֆան ակումբը կազմակերպել է ուղևորություն դեպի Պորտուգալիա:

Երկուշաբթի օրը ֆան ակումբը 60 հոգանոց խմբով կմեկնի Պորտուգալիա, որտեղ նրանց կմիանան ԱՄՆ-ի, Ֆրանսիայի, Իսպանիայի, Շվեդիայի և Պորտուգալիայի տարբեր քաղաքներում բնակվող մեր հայրենակիցները: Սպասվում է, որ մարզադաշտում ներկա կլինի  մոտ 400 հայ երկրպագու:  Այս մասին Yerkir.am-ը տեղեկացավ  ՖԱՖ ֆան ակումբի հիմնադիր և ղեկավար խորհրդի անդամ Սերգեյ Ջանջոյանից: