Էկոնոմիկայի նախարարությունը ե՞ւս կմիավորվի որեւէ նախարարության

Ֆինանսների փոխնախարար Վախթանգ Միրումյանը դեռևս հստակ չի կարող ասել, թե ո՞ր ուղղությամբ է գործելու արտակարգ իրավիճակների եւ տարածքային կառավարման միավորված նախարարությունը:

Լրագրողների հետ զրույցում նա նշեց, որ  կառավարությունը օրենքի նախագիծ է ներկայացրել, որը դեռ չի քննարկվել Ազգային ժողովում, և երբ այն հաստատվի, հստակեցվեն գործառույթները, այն ժամանակ էլ պարզ կլինի, թե որ ուղղությամբ է աշխատելու միավորված նախարարությունը:

Yerkir.am-ի  հարցն, թե արդյո՞ք կառուցվածքային փոփոխությունները գործադիրում կշարունակվեն, և էկոնոմիկայի նախարարությունը նույնպես կմիանա որևէ նախարարությանը, ինչի մասին խոսվում է մամուլում, Վախթանգ Միրումյանը պատասխանեց. «Ես առաջին անգամ եմ նման խոսակցություն լսում»:

Նշենք, որ էկոնոմիկայի նախարար Կարեն Ճշմարիտյանի պաշտոնանկության մասին մամուլն արդեն տեւական ժամանակ է` գրում է: