Հալեպում չկան ջուր, էլեկտրականություն, օդի ջերմաստիճանը 40-ից բարձր է

Հալեպի բնակիչները տառապում են հոսանքի և ջրի բացակայությունից: Այս մասին «Արմենպրեսին» տեղեկացրել է Հալեպի աղբյուրը՝ ավելացնելով, որ ստեղծված իրավիճակը վատթարացնում է նաև ամառվա` 40-ից ավելի ջերմաստիճանի հասնող տապը:

Թեև փոքր-ինչ թեթևացել են բախումները և պայթյունները, այնուամենայնիվ, զինված ահաբեկչական խմբավորումների կողմից արձակվող հրասանդներն ու հրթիռները շարունակում են վտանգել խաղաղ բնակչության կյանքը:

Սիրիական բանակը շարունակում է Հալեպի թաղամասերում և մերձակա գյուղերում պայքարել զինված ընդդիմադիրների դեմ: Բանակը կանխել է Հալեպի Աշրաֆիե թաղամաս զինյալների ներխուժելու փորձը: Տասնյակ զինյալներ սպանվել և վիրավորվել են Հալեպի Հանանու, Արթիկ, Հանդարաթ, Թել Ջաբին, Քաֆր Համար և այլ թաղամասերում տեղի ունեցած բախումների ժամանակ:

Վերջին երկու ամսում Հալեպում տասնյակից ավելի հայեր են զոհվել և վիրավորվել: Սիրիական հակամարտության ավելի քան երեք տարվա ընթացքում զոհված հայերի թիվը գերազանցել է 100-ը:

Մանրամասները` սկզբնաղբյուր կայքում