Դու մարդ չես, իմ հոր դեմ ցուցմունք ես տվել. միջադեպ` Շանթի գործով դատավարությունից հետո

Մինչ Կենտրոնի դատարանում ընթանում էր Շանթ Հարությունյանի և մյուս 13 քաղաքացիների գործով առաջին դատական նիստը, գրեթե անկառավարելի իրավիճակ էր ստեղծվել դրսում: Դատարանի շենքի առջեւ հավաքված ամբաստանյալների համակիրներին ու հարազատներին թույլ չէին տալիս անցնել արգելապատնեշներից այն կողմ և մասնակցել դատավարությանը, ինչն էլ բարկացրել էր հավաքվածներին:

Վիճակն էլ ավելի թեժացավ, երբ մի երիտասարդ, որի նկատմամբ արդեն քրեական գործ է հարուցվել, անկանոն կրակոցներ արձակեց` վնասվածք պատճառելով 5 ոստիկանի: Դատական նիստի ավարտից հետո էլ միջադեպ տեղի ունեցավ դատարանի շենքի առջեւ ծառայություն իրականացնող ոստիկանների և ամբաստանյալներից մի քանիսի հարազատների միջև: Բանն այն է, որ այս ոստիկաններից մի քանիսն անցնում են նոյեմբերի 5-ի գործով:

«Դու մարդ չես, դու իմ հոր դեմ ցուցմունք ես տվել»,- դիմելով ոստիկաներից մեկին` բացականչեց ամբաստանյալներից մեկի դուստրը:

Միջադեպի մանրամասները` yerkir.am-ի տեսանյութում: