Աբխազիայի նախագահի պաշտոնակատար է նշանակվել Վալերի Բգանբան

Աբխազիայի խորհրդարանն այսօրվա նիստում որոշել է նախագահի արտահերթ ընտրությունների անցկացման օր նշանակել օգոստոսի 24-ը: Այս մասին հայտնում է РИА Новости-ն:

Նիստում նաև խորհրդարանը չճանաչված հանրապետության նախագահի պաշտոնակատար է նշանակել Ազգային ժողովի խոսնակ Վալերի Բգանբային: Համաձայն խորհրդարանի ընդունած փաստաթղթի` այս նշանակումների պատճառ այն է, որ նախագահ Ալեքսանդր Անկվաբն ի վիճակի չէ կատարել իր պարտականությունները և լիազորությունները:

Հիշեցնենք, որ մայիսի 27-ին Աբխազիայի ընդդիմությունը բազմահազարանոց հանրահավաք էր անցկացրել Սուխումում, ապա վերահսկողություն հաստատել կառավարական շենքի նկատմամբ ու հայտարարել, որ իր ձեռքն է վերցնում չճանաչված հանրապետության ժամանակավոր կառավարումը: Խորհրդարանը մայիսի 29-ին անվստահություն էր հայտնել վարչապետին, իսկ նախագահին առաջարկել կամավոր վայր դնել լիազորությունները: