Տիգրան Սարգսյանի համար դեսպանի տեղ է ազատվում

Դեռ այն ժամանակ, երբ ՀՀ վարչապետ նշանակվեց Հովիկ Աբրահամյանը, հենց այդ օրն էլ հայտարարվեց, որ Տիգրան Սարգսյանը դեսպան է դառնալու:

Yerkir.am-ը գրել էր, որ նախկին վարչապետը դեսպան է նշանակվելու կա'մ ԱՄՆ-ում, կա'մ Իսպանիայում: Հիմա արդեն հստակ է, թե կոնկրետ որ երկրում է Հայաստանը ներկայացնելու Սարգսյանը: Yerkir.am-ի տեղեկություններով` Սարգսյանը դառնալու է ԱՄՆ-ում ՀՀ դեսպան:

Գործող դեսպանին՝ Թաթուլ Մարգարյանին, ԱԳ փոխնախարարի պաշտոնը ստանձնելու առաջարկություն է արվել, սակայն նա հրաժարվել է եւ շուտով կնշանակվի Բելգիայի Թագավորությունում ՀՀ արտակարգ և լիազոր դեսպան: Բելգիայում ՀՀ արտակարգ և լիազոր դեսպան Ավետ Ադոնցն էլ իր դիվանագիտական ծառայությունը կշարունակի Իսպանիայում: