«Վոլգա»-ն պարտվեց «Զենիթ»-ին. Արթուր Սարկիսովը մասնակցեց ամբողջ հանդիպմանը

Ֆուտբոլի Ռուսաստանի առաջնության 27-րդ տուրում Սանկտ Պետերբուրգի «Զենիթ»-ը սեփական հարկի տակ մրցեց Նիժնի Նովգորոդի «Վոլգա»-ի հետ: Տանտերերը հաղթեցին 2:0 հաշվով:

Տեղեկացնենք, որ Հայաստանի ազգային հավաքականի և «Վոլգա»-ի հարձակվող Արթուր Սարկիսովը մեկնարկային կազմում դուրս եկավ խաղադաշտ և մասնակցեց ողջ հանդիպմանը: Մեր ֆուտբոլիստը հանդիպման 37-րդ րոպեին գնդակն ուղարկեց մրցակցի դարպասը, սակայն մրցավարը խաղից դուրս վիճակ արձանագրեց:

«Զենիթ»-ը այս հաղթանակից հետո շարունակում է գլխավորել մրցաշարային աղյուսակը: Պետերբուրգյան ակումբն իր ակտիվում ունի 59 միավոր և մեկ միավորով գերազանցում է 2-րդ հորիզոնականում գտնվող Մոսկվայի «Լոկոմոտիվ»-ին:  «Վոլգա»-ն 21 միավորով նախավերջին՝ 15-րդ հորիզանականում է: