«Վոլգա»-ն հաղթեց արտագնա խաղում. Սարկիսովը՝ գոլի հեղինակ

Ֆուտբոլի Ռուսաստանի 1-ին դիվիզիոնի  առաջնության 11-րդ տուրում  Նիժնի Նովգորոդի «Վոլգա»-ն, որտեղ հանդես է գալիս Հայաստանի ազգային հավաքականի հարձակվող Արթուր Սարկիսովը, արտագնա խաղում 3:1 հաշվով հաղթել է  «Լուչ Էներգի»-ին: Հանդիպման հաշիվը 15-րդ րոպեին բացել է Սարկիսովը: 16 րոպե անց Զեստոկովը կրկնապատկել է իր թիմի առավելությունը:  Տանտերերը 65-րդ րոպեին կրճատել են հաշվի տարբերությունը: Գոլի հեղինակ է դարձել Ավերջանովը: Հիմնական ժամանակի վերջին րոպեին հյուրերը 3-րդ գնդակն են ուղարկել մրցակցի դարպասը: Գոլի հեղինակ է դարձել Անդրեյ Կոզլովը:  

Հավելենք, որ հայ ֆուտբոլիստը փոխարինվել է 38-րդ րոպեին: