Ջահերով երթ` նաև Հրազդանում

ՀՅԴ Հրազդանի երիտասարդական միությունը ապրիլի 23-ին Հրազդանում կազմակերպել էր ջահերով ավանդական երթ:

Երթի մասնակիցները այրեցին Թուրքիայի Հանրապետության պետական դրոշը, որից էլ ծագեցին մեր ազգի վերհառնման ու պահանջատիրության խորհրդանիշ ջահերը: Երթն առաջնորդեց Հրազդանի Սբ Աստվածածին եկեղեցու հոգևոր հովիվ տեր Սիոնը, ով հուշարձանի մոտ կատարեց հոգեհանգստյան կարգ:

Երիտասարդները մեկ անգամ ևս փաստեցին, որ սա ոչ թե սգո թափոր է, այլ սգավորից պահանջատերի հոգեփոխված հայ երիտասարդություն, ով տերն է և իրավահաջորդը մեր պապերի խախտված իրավունքների: Մասնակիցները պահանջում էին օրակարգային հարցերի շուրջ համազգային համախմբում, Հայաստանում հավատարմագրված օտարերկրյա դիվանագիտական առաքելություններից՝ համապատասխան իրավական վերաբերմունք 20-րդ դարասկզբի առաջին ցեղասպանության նկատմամբ, իսկ պետական իշխանություններից` օր առաջ հայ-թուրքական արձանագրություններից հետ կանչել ստորագրությունը: