Ռուս թոշակառուն պատրաստ է ամուսնանալ Պուտինի նախկին կնոջ հետ

Արդեն հայտնել ենք, որ երեկ ՌԴ նախագահ Վլադիմիր Պուտինի հետ ուղիղ կապի ժամանակ նրան հարց են ուղղել, թե ե՞րբ է աշխարհը ծանոթանալու ՌԴ առաջին տիկնոջ հետ: Ի պատասխան, Պուտինը կատակել է, որ դեռ պետք է ամուսնացնի իր նախկին կնոջը՝ Լյուդմիլա Պուտինային, հետո նոր մտածի իր ապագայի մասին: 

РИА Новости-ն հայտնում է, որ Նովոսիբիրսկից  թոշակառու Յուրի Բաբինը, որ առավել հայտնի է որպես «մանրադրամային միլիոնատեր» դիմել է գործակալությանը՝ ասելով, որ պատրաստ է ամուսնանալ Լյուդմիլա Պուտինայի հետ:

«Ես այդ մասին դեռ 2 ամիս առաջ էի մտածում այդ մասին, սակայն երեկ Վլադիմիր Պուտինը ինձ հուշեց: Հուսով եմ՝ իմ երազանքը կիրականանա»,- ասել է նա: 

«Մանրադրամային միլիոնատեր» մականունը Բաբինը ստացել է այն բանից հետո, երբ 2012-ին վաճառել է մանրադրամների իր հավաքածուն և 19,9 մլն ռուբլի վաստակել: Կոպեկների քաշը կազմել է 7,5 տոննա: