Դանակով ԱԺ ընդունարան մտած եւ որովայնը վնասած տղամարդը պատմել է, թե ինչ է ուզում

Այսօր ԱԺ ընդունարանի մոտ արտակարգ դեպք է գրանցվել:

Մի տղամարդ դանակով իր որովայնին է հարվածել՝ իր վրա ուշադրություն սեւեռելու նպատակով: Արյունոտ ձեռքերով, որովայնը բռնած՝ նա հեռացել է:

Yerkir.am-ի հետ զրույցում տղամարդն ասաց, որ իր անունը Աշոտ է, ինքը երկար տարիներ ազատազրկված է եղել, մի քանի տարի առաջ է բանտից դուրս եկել ու հիմա չի կարողանում աշխատանք գտնել, ինչի հետեւանքով ընտանիքը մատնվել է սովի:

Նա նշեց, որ բազմիցս դիմել է Ազգային ժողով, որ իրեն հացի փող տան, բայց ոչ ոք իրեն ուշադրություն չի դարձրել: Իսկ ինքը փորձում է հացի փող աշխատել` Հիսուսի նկարները վաճառելով:

«Երկու տղա երեխեքիս տվել եմ Քյավառի մանկատուն, կնիկս ասում ա՝ արի, գնանք երեխեքին տենանք, բայց ինչո՞վ գնամ, որ հացի փող չունեմ: Եկել եմ փորս փրթեմ, որ ինձ հացի փող տան: Ես կգնամ իմ փորը տունը կբուժեմ»,- ասաց տղամարդը: