Ո՞վ եւ ինչո՞ւ է ցույց անում «ՀԺ»-ի խմբագրության առջեւ

Քիչ առաջ «Հայկական ժամանակ» օրաթերթի խմբագրության առջեւ ցույց էին անում անհայտ անձինք (հիմնականում` երիտասարդներ), ովքեր վանկարկում էին` «դհոլ, դհոլ, դհոլ»: Նրանցից մի քանիսը դհոլ էին նվագում, մի քանիսի ձեռքին փուչիկներ էին: Նրանք մոտ 50 հոգի էին:

Armtimes.com-ը գրում է, որ իր թղթակցի հետ զրույցում ցույցի մասնակիցներից մեկը, ով չի ցանկացել ներկայանալ, նշել է, որ սա ինքնաբուխ ակցիա է: «Ես գիտեմ, որ երիտասարդներ են հավաքված՝ պայքարելու դհոլչի պատգամավորների դեմ: Կազմակերպիչներ չկան՝ ո'չ կազմակերպություն է, ո'չ էլ»,- ասել է նա:

Հարցին,` ինչո՞ւ որոշեցին հենց «Հայկական ժամանակ»-ի խմբագրության առջեւ կազմակերպել այս «ինքնաբուխ» ակցիան, ակտիվիստնը պատասխանել է, որ չգիտի եւ իրավասու չէ պատասխանել:

Հավելենք, որ ակցիայի մասնակիցներին ուղեկցել է «Կենտրոն» հեռուստաընկերության օպերատորը: