Խմբագրության պարկետը մի քանդեք

Գույքի ու դրամական միջոցների վրա կալանք դնելով` բան դուրս չի գա: Գիլիոտին տեսած կա՞ք: Ասում են, երբ շեղբը հայտնվում է սարքի ամենաստորին մասում, նրա ճանապարհին հայտնված գլուխը թռչում է եւ այլեւս ոչինչ չի գոռում: Հրաշալի միջոց` լրատվական միջոցի դեմ: Քանի որ Հայաստանում գիլիոտին չկա, կարող եք օգտագործել այն, ինչ կա ձեռքի տակ, օրինակ, հարեւանությամբ աճող բարդիները: Գլխի՞ եք ընկնում: Դրանք ճկեք, մոտեցրեք իրար, լրագրողի ձեռուոտը կապեք տարբեր ծառերից ու ծառերը բաց թողեք… Հաստատ ազատություն չի գոռա այլեւս: Չի հասցնի:

Լրագրողի լեզուն կտրելուց օգուտ չկա: Նա էլ հո պատգամավոր կամ քաղաքական գործիչ չի՞: Հիմա ո՞ր լրագրողն է բանավոր հրապարակային ելույթներ ունենում: Համակարգչով են գրում, ոտի վրա: Բայց եթե, այնուամենայնիվ, որոշեք լեզուն կտրել, ապա չմոռանաք նաեւ մատները կոտրել, որ, տըկ-տըկ-տըկ` նյութը չշարի ու խմբագրություն չուղարկի:

«Մեղադրյալ» լրագրող Է.Անդրեասյանի հոդվածն ամբողջությամբ կարող եք կարդալ այստեղ