Սպարտակ Ղուկասյանի նկատմամբ խափանման միջոց է ընտրվել

Հունվարի 21-ի երեկոյան Գյումրու քաղաքապետ Սամվել Բալասանյանի տան մոտ նախկին քաղաքապետի որդու` Սպարտակ Ղուկասյանի մասնակցությամբ տեղի ունեցած խուլիգանության փաստի առթիվ հարուցված քրեական գործի շրջանակներում հունվարի 27-ին, որպես կասկածյալ, հարցաքննվել է Սպարտակ Ղուկասյանը: Այս մասին yerkir.am-ը տեղեկացավ ՀՀ ոստիկանությունից: Նրա նկատմամբ որպես խափանման միջոց ընտրվել է ստորագրությունը չհեռանալու մասին: Նախաքննությունը շարունակվում է:

Հիշեցնենք, որ հունվարի 25-ին ոստիկանության Շիրակի մարզի քննչական բաժնի Գյումրի քաղաքի Կումայրիի քննչական բաժանմունքում նախապատրաստվող նյութերով որոշում է կայացվել ՀՀ քրեական օրենսգրքի 258 հոդվածի 1-ին մասի հատկանիշներով քրեական գործ հարուցելու մասին: