Թուրքիայում կրակել են ազգայնականների կուսակցության գրասենյակի վրա

Թուրքիայի «Ազգայնական շարժում» կուսակցության` Թալեաթ փաշա թաղամասի գրասենյակի վրա զինված հարձակում է տեղի ունեցել:

Hurriyet-ի հաղորդմամբ` հարձակումը տեղի է ունեցել ազգայնականների կուսակցության` նախընտրական շրջանում հասարակության հետ կապ հաստատելու համար ստեղծված գրասենյակի բացման արարողության ժամանակ` կուսակցության Բույուքշեհիրից թեկնածու Ռեսիմ Աջարի` գրասենյակից հեռանալու ընթացքում:

Մամլո գործակալ Ջենգիզ Աքյըլդըզը սրտին կրակոց ստանալու հետևանքով մահացել է: 7 կուսակցական վիրավորվել է: Մեկի առողջական վիճակը ծանր է:

Ոստիկանությունը ձերբակալել է 6 հոգու: Հետաքննական աշխատանքները շարունակվում են: