Հզոր պայթյուն` Բեյրութի կենտրոնում. զոհվել է նախկին նախարար

Բեյրութի կենտրոնում տեղի ունեցած հզոր պայթյունի հետեւանքով կան զոհեր ու վիրավորներ, այդ թվում` տնտեսական հարցերի նախկին  նախարար Մոհամեդ Շաթահը:

Պայթյունը որոտացել այսօր` առավոտյան մոտ 9:50-ի սահմաններում,  Բեյրութի կենտրոնական Սեն Ժորժ Աթարքո շրջանում: Նախնական` ոչ պաշտոնական տվյալներով` ականապատված մեքենա է պայթեցվել, ինչի հետեւանքով` ժամը 10:23-ի տվյալներով, 5 զոհ ու 10-ից ավելի վիրավոր կա:

Yerkir.am-ին  «Ազդակ» թերթի գլխավոր խմբագիր Շահան Գանտահարյանը տեղեկացրեց, որ, ոչ պաշտոնական տեղեկություններով, մահապարտ ահաբեկչի իրականացրած պայթյունի հետեւանքով զոհվել է նաեւ Լիբանանի տնտեսական հարցերի նախկին նախարար Մոհամեդ Շաթահը:

Դեռեւս պարզ չէ` զոհերի ու վիրավորների թվում հայեր կա՞ն, թե՞ ոչ: