Հայաստանի` մինչև 17 տարեկանների հավաքականի մրցակիցներն արդեն Երևանում են

Արդեն տեղեկացրել ենք, որ Եվրոպայի` մինչև 17 տարեկանների 2013/2014 առաջնության որակավորման փուլի 7-րդ խմբի մրցաշարը հոկտեմբերի 23-30-ը կանցկացվի Հայաստանում:

Մեր հավաքականի մրցակիցներն են Անգլիայի, Իռլանդիայի և Ջիբրալթարի հավաքականները: Բոլոր երկրների պատվիրակություններն արդեն ժամանել են Երևան. հայտնում է ՀՖՖ պաշտոնական կայքը:

Անգլիայի հավաքականը տեղակայվել է ՀՖՖ տեխնիկական կենտրոնում՝ Ֆուտբոլի ակադեմիայում, իսկ Իռլանդիայի և Ջիբրալթարի հավաքականները՝ «Նաիրի» հյուրանոցում:

Հիշեցնենք, որ առաջին տուրում Հայաստանի` մինչև 17 տարեկանների հավաքականը կմրցի Անգլիայի Մ-17 հավաքականի հետ:

Մրցաշարի խաղացանկն ամբողջությամբ.

1-ինտուր 

Անգլիա-Հայաստան, Ֆուտբոլի ակադեմիայի մարզադաշտ, հոկտեմբերի 24, ժամը 15:00:

Իռլանդիա-Ջիբրալթար, «Հանրապետական» մարզադաշտ, հոկտեմբերի 24, ժամը17:00:

2-րդ տուր 

Ջիբրալթար-Անգլիա, Ֆուտբոլի ակադեմիայի մարզադաշտ, հոկտեմբերի 26, ժամը15:00:

Իռլանդիա-Հայաստան, «Հանրապետական» մարզադաշտ, հոկտեմբերի 26, ժամը17:00:

3-րդ տուր 

Անգլիա-Իռլանդիա, «Հանրապետական» մարզադաշտ, հոկտեմբերի 29, ժամը 15:00:

Հայաստան-Ջիբրալթար, Ֆուտբոլի ակադեմիայի մարզադաշտ, հոկտեմբերի 29, ժամը 15:00:

Եվրոպայի առաջնության հաջորդ՝ էլիտ ռաունդ դուրս կգան խմբում առաջին երկու տեղերը զբաղեցրած թիմերը, ինչպես նաև բոլոր 13 խմբերում լավագույն երրորդ տեղ զբաղեցրած թիմը: