Ֆուտբոլի Հայաստանի ազգային ընտրանին ոչ-ոքի խաղաց Իտալիայում

Հանդիպումն  ավարտվեց ոչ-ոքի` 2:2:

Ավելի վաղ տեղեկացրել էինք, որ առաջին խաղակեսում մեկական գնդակներ խփեցին Յուրա Մովսիսյանն  ու Ալեսանդրո Ֆլորենցին:

Հանդիպման 70-րդ րոպեին ` անկյունային հարվածից հետո, Հենրիխ Մխիթարյանը դառնում է գեղեցիկ գոլի հեղինակ:

Այդ գոլով մեր  կիսապաշտպանը  դառնում է պատմության մեջ Հայաստանի հավաքականի լավագույն ռմբարկուն` 12 գոլով:

Ցավոք, մեր ընտրանին երկար ժամանակ չի մնում առաջատարի դիրքում: Իտալիայի ազգային հավաքականի և իտալական «Միլան»-ի հարձակվող Մարիո Բալոտելին Պիրլոյի անթերի փոխանցումից հետո հավասարեցնում է հանդիպման հաշիվը:

Հայաստանի հավաքականի գլխավոր մարզիչ Վարդան  Մինասյանը կատարեց հնարավոր  բոլոր փոփոխությունները:  Լևոն Հայրապետյանի փոխարեն խաղադաշտ դուրս եկավ Կամո Հովհաննիսյանը, իսկ Արազ Օզբիլիսին փոխարինեց Արթուր Սարկիսովը: Հանդիպման վերջին րոպեներին խաղադաշտ դուրս եկավ նաև Մարկես Պիզելին՝ Արթուր Եդիգարյանի փոխարեն:

Եվ այսպես, այս հանդիպումը ոչ-ոքի ավարտելով՝ Հայաստանի ընտրանին խմբում զբաղեցնում է 5-րդ տեղը: 

Ավարտվեց 2014թ.-ի Աշխարհի առաջնության ընտրական փուլը: