Apple-ը այսօր iPhone-ի 2 նոր տարբերակներ կներկայացնի

Ամերիկյան Apple ընկերությունն այսօր միջոցառում է կազմակերպելու, որի ընթացքում ցուցադրելու է iPhone-ի 2 նոր տարբերակներ` արդիականացված iPhone 5 եւ սմարթֆոնի «բյուջետային» տարբերակը. գրում է New York Times-ը:

Apple-ի եկամուտները վերջին շրջանում նվազել են շուկայական մեծ մրցունակության, նաեւ ԱՄՆ-ի եւ եվրոպական որոշ երկրների շուկաների հագեցվածության պատճառով: Շատերն արդեն ունեն սմարթֆոններ եւ մտադիր չեն դրանք հաճախ նորացնել:

Ավելի էժան  iPhone-ների արտադրությունը հնարավորության կտա ընկերությանը մեծացնել դրանց վաճառքն այլ շուկաներում, հատկապես` Չինաստանում, որտեղ սմարթֆոնները հարգի են, սակայն հասանելի չեն շատերին բարձր գնի պատճառով: