Բոնոն պարգեւատրվել է Ֆրանսիայում

 U2 ռոք խմբի երգիչ Բոնոն պարգեւատրվել է Ֆրանսիական մշակույթի բարձրաստիճան մրցանակով` երաժշտության բնագավառում մեծ ավանդի եւ բարեգործական աշխատանքների համար: Իռլանդացի երգիչը հայտնել է, որ այդ մրցանակը պատկանում է իր խմբին: 

«Ես ամենամեծ բերանը ունեմ եւ ամենաբարձր ձայնը, բայց այն երաժշտությունը, որ մենք ենք ստեղծում, պատկանում է խմբի  յուրաքանչյուր անդամին»,- ասել է Բոնոն:

Ֆրանսիայի մշակույթի նախարարը Բոնոյին գովաբանել է մրցանակի հանձնման ժամանակ. «Դուք նվիրել եք Ձեր կյանքը, Ձեր փառքն ու կարիերան` մեր ժամանակների մեծագույն պատերազմներում պայքարելու համար: Ոչ թե հանուն բարեգործության, այլ հանուն արդարության»:

Բոնոն նաեւ ներկայացվել է Նոբելյան մրցանակի եւ, 1980-ականներից սկսած, մրցանակներ է ստանում բարեգործական աշխատանքների համար: 2003 թվականին նա պարգեւատրվել է Ֆրանսիայի պատվո լեգեոն շքանշանով, իսկ 2007 թվականին Մեծ Բրիտանիայի թագուհին Ասպետի կոչում է շնորհել նրան. տեղեկացնում է BBC-ն: