ՄԱԿ-ը պահանջում է կասեցնել ''ռոբոտ-մարդասպանների'' ստեղծման աշխատանքները

ՄԱԿ-ի մարդու իրավունքների հարցերով փորձագետ Քրիստոֆ Հեյսը աշխարհի պետությունների առաջնորդներին կոչ է արել մորատորիում սահմանել ռազմական ինքնավար ռոբոտների արտադրության վրա: Դրանք ունակ են առանց մարդու մասնակցության թիրախ ընտրել ու ոչնչացնել այն: Հեյսի խոսքերով` դա պետք է անել հիմա, քանի դեռ ուշ չէ. տեղեկացնում է migtnews.com-ը:

Նրա կարծիքով` այն երկրները, որոնք ռազմական ինքնավար ռոբոտների արտադրության պոտենցիալ ունեն, ավելի հեշտությամբ կորոշեն պատերազմ հայտարարել: Ի դեպ, դեռեւս հայտնի չէ, հնարավո՞ր է «ռոբոտ-մարդասպաններին» ծրագրավորել այնպես, որ դրանք գործեն միջազգային մարդասիրական նորմերին համապատասխան:

SWORDS ռոբոտները ամերիկյան բանակի կողմից կիրառվել են 2005 թվականին: ԱՄՆ պաշտոնյաների խոսքերով` դրանք գիտահետազոտական ֆիլմերից հայտնի ինքնուրույն գործող ռոբոտներ չեն. SWORDS-ը կրակում է միայն այն ժամանակ, երբ մարդ- օպերատորը սեղմում է կոճակը: