Հացադուլն իմպրովիզացիա՞ է

Հայաստանում հետընտրական գործընթացները` հանրահավաքները, առաջին անգամ դրական ալիքով են տեղի ունենում. լրագրողների հետ հանդիպման ժամանակ կարծիք հայտնեց «Կովկաս» ինստիտուտի փոխտնօրեն, քաղաքագետ Սերգեյ Մինասյանը:

Նրա կարծիքով` ընդդիմադիր որեւէ գործիչ դեռ ոչ մի անգամ չի կարողացել քաղաքական ալիքը երկար պահել, եւ նույն բանը կպատահի նաև հիմա` Րաֆֆի Հովհաննիսյանի հետ: Ըստ Մինասյանի` ընդդիմության ներկա վիճակը եւ հետագա զարգացումները կերեւան Երևանի ավագանու առաջիկա ընտրություններին:

«Երբ ԲՀԿ-ն չմասնակցեց նախագահական ընտրություններին, այդպիսով, ինչ-որ կերպ իր աջակցությունը ցուցաբերեց «Ժառանգություն» կուսակցությանը: Ավագանու ընտրությունների մասնակցելու հայտ արդեն իսկ ներկայացրել է, իսկ ԲՀԿ-ն լուրջ ռեսուրսներ ունեցող կուսակցություն է եւ լուրջ մրցակից մյուս կուսակցությունների համար»,- ասաց Մինասյանը:

Ըստ նրա` «Ժառանգությունը» պատրաստ չէր հետընտրական նման զարգացումների, այդ իսկ պատճառով գնում է «քաղաքական իմպրովիզների» ճանապարհով: «Հազադուլը նունպես իմպրովիւզացիա է, եւ չեմ կարծում լուրջ ազդեցություն կունենա քաղաքական ներկա իրավիճակի վրա»,- ասաց Մինասյանը: