Տեղամասային հանձնաժողովի նախագահը ՀՀԿ-ի կրծքանշան է կրել

«Քաղաքացիական հասարակության ինստիտուտ» ՀԿ-ն տեղեկացնում է, որ Գեղարքունիքի մարզի Գավառի թիվ 22/15 ընտրատեղամասում ժամը 10:30-10:55 շրջայց կատարելիս իր դիտորդն արձանագրել է ընտրողների կուտակում, ինչի հետեւանքով ընտրատեղամասում խառնաշփոթ է առաջացել: Իրավիճակը շտկվել է 10:55-ի դրությամբ։ Ոստիկանները վերացրել են կուտակումը:

Ապարանի թիվ 14/21 ընտրատեղամասում եւս ՔՀԻ  դիտորդը ժամը 10:52-ի սահմաններում արձանագրել է կուտակում: Դիտորդը դիմել է հանձնաժողովի նախագահին, և վերջինս ոմանց դուրս է հրավիրել ընտրատեղամասից: Ընտրական օրենսգրքի 63-րդ հոդվածի 33 կետով սահմանված է՝ ընտրատեղամասում մարդկանց թիվը չպետք է 15-ից ավելի լինի:

Իսկ Երևանի թիվ 9/15 ընտրատեղամասում արձանագրվել է, որ հանձնաժողովի նախագահը կրծքին կրում է ՀՀԿ զինանշանը, ինչը պասիվ քարոզչություն է համարվում:

աղբյուրը` www.hra.am