Նախագահական խաչբառ՝ հորիզոնական

***

ՀՀ նախագահի թեկնածու, ում փոխարեն քարոզում են հանգամանքները, իսկ ինքը միայն արշավում է հիվանդանոց-ՍԴ և հակառակ երթուղով:

***

ՀՀ նախագահի թեկնածու, ով մեկ բառ ապագայից է ասում, 100 բառ՝ անցյալից:

***

ՀՀ նախագահի թեկնածու, ով Ձենով Օհանի պես երեք ձի ունի՝ մեկը սպիտակ, մեկը կարմիր, մյուսը՝ սև: Սպիտակին նստի՝ 79 տոկոս կհանի, կարմրին՝ 80, իսկ սևին որ նստի՝ հեչի պես 81 տոկոս քվե կբերի:

***

ՀՀ նախագահի թեկնածու, ով կարող է նույնիսկ Ադիբեկյանի հայտարարած տոկոսները խփել: Ընդ որում՝ թե' դեպի վեր և թե' դեպի վար:

***

ՀՀ նախագահի թեկնածու, ով, օգտվելով առիթից, գրկում է ուրիշի կանանց, ինչպես նաև քաշքշում ուրիշների բեղերը՝ հիշելով ու հիշեցնելով իրենը:

***

Հինավուրց ժողովուրդ, որին իշխանությունը խնդրում է մի քիչ էլ Պարույր Հայրիկյանին ձայն տալ, որ անկախության վեհ գաղափարը վերջին տեղ չընկնի:

***

ՀՀ նախագահի ընդդիմադիր թեկնածուի բարձր աստիճան, որին արժանի են շատերը, բայց քչերին է տրվում:

Կազմեց՝ Էդ. Անդրեասյանը