Հայրիկյանի վիճակը կայուն է, կյանքին վտանգ չի սպառնում

Արդեն տեղեկացրել ենք, որ այսօր` 23:30-ի սահմաններում, Երեւանի Կենտրոն վարչական շրջանում` Տպագրիչների փողոցում, կրակել են ՀՀ նախագահի թեկնածու Պարույր Հայրիկյանի վրա: Նրան տեղափոխել են «Սուրբ Գրիգոր Լուսավորիչ» բժշկական կենտրոն:

Հիվանդանոցի տնօրեն Արա Մինասյանը վերահաստատել է, որ Հայրիկյանը գտնվում է բժիշկների հսկողության տակ, նրա վիճակը միջին ծանրության է: Մինասյանն ընդգծել է, որ հստակ է, որ վնասվածքներից մեկը հրազենային է, իսկ երկրորդը` պարզ չէ:

Առողջապահության նախարար Դերենիկ Դումանյանն էլ ընդգծել է, որ վաղը վիրաբույժները կհետազոտեն Հայրիկյանին, եւ միայն վաղը պարզ կլինի, թե քանի օրից կարող է հիվանդանցից դուրս գրվել Հայրիկյանը: Նշենք, որ նրա կյանքին վտանգ չի սպառվում, եւ նա շփվում է իր հիվանդասենյակ այցելողների հետ:

Լուսանկարը` news.am-ի