Կան փակ և դժվարանցանելի ճանապարհներ

Հունվարի 10-ին, ժամը 09.30-ի դրությամբ, հանրապետության ողջ տարածքում տեղում է ձյուն:

Տրանսպորտի և կապի նախարարությունից տեղեկացնում են, որ ձնաբքի եւ տեսանելիության բացակայության պատճառով փակ են Հարթավան- Արագյուղ, Մեղրաձոր-Հանքավան ավտոճանապարհներն ու Սելիմի լեռնանցքը:

Անբավարար տեսանելիության եւ առատ ձյան պատճառով դժվարանցանելի են Թալին-Մարալիկ-Գյումրի, Արագած-Սպիտակ, Արթիկ-Մանթաշ-Ալագյազ ավտոճանապարհները:

Անվտանգ  երթեւեկությունն ապահովելու նպատակով ավտոճանապարհներին  իրականացվում են մաքրման, աղով ու ավազով մշակման աշխատանքներ:  

ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: