Ժավել տեղափոխող բեռնատարը շրջվել է

Իրանի Թավրիզ քաղաքից պատվերով Վանաձոր ժավելի սպիրտ տեղափոխող բեռնատարը շրջվել է Վանաձոր-Դիլիջան ավտոճանապարհին: 25 տոննա ժավելի սպիրտն ամբողջությամբ թափվել է, ինչի հետևանքով մեքենայի վարորդը` Իրանի 54-ամյա քաղաքացի Մուհամեդ Ալի Փարֆադունին վնասվածքներ է ստացել և տեղափոխվել նախ Վանաձորի թիվ 2 հիվանդանոցը, այնտեղից էլ` Երեւան:

Yerkir.am-ին հիվանդանոցից հայտնեցին, որ վարորդն աչքերի եղջերաթաղանթի ու լորձաթաղանթի լուրջ այրվածքներ է ստացել:

Դեպքի վայր են մեկնել Լոռու մարզի փրկարարական վարչության հրշեջ-փրկարար ջոկատը և Ճանապարհային ոստիկանության երկրորդ սպայական գումարտակի հինգերորդ սպայական վաշտի աշխատակազմը: Ճանապարհը լվացվել, կարգի է բերվել, մեքենան` վնասազերծել:

Դեպքի պատճառը այս ճանապարհահատվածի կտրուկ շրջադարձն է.  երթևեկության նախազգուշացնող նշաններ այստեղ չկան, և այդ վայրում հաճախ են մահվան ելքով վթարներ գրանցվում: