Թուրքիայում կարծում են, որ կնոջը պետք է ծեծել

ՄԱԿ-ի` կանանց դեմ բռնությունների վերաբերյալ զեկույցի համաձայն` Թուրքիան առաջին հորիզոնականում է:  Այդ երկրում ֆիզիկական բռնությունների է ենթարկվում կանանց 39 տոկոսը, ԱՄՆ-ում` 20 տոկոսը, եվրոպական 20 երկրներում այդ թիվը հասնում է 35 տոկոսի: Թուրքիայում կանանց 15 տոկոսը ենթարկվում է նաեւ սեռական ոտնձգությունների.  տեղեկացնում է թուրքական «Զամանը»:

Հարցումներ են կատարվել աշխարհի շուրջ 17 երկրներում, որոնց համաձայն` մարդկանց 25 տոկոսը արդարացված է համարում տղամարդու կողմից կնոջը հարվածելու դեպքերը. այսպես` Թուրքիայի բնակչության 22 տոկոսը, ԱՄՆ-ում` 16 տոկոսը, Եվրոպայում` 18 տոկոսը:

«Կարեւորն այն չէ, որ Թուրքիան կանանց դեմ իրագործվող բռնությունների հարցում գտնվում է առաջատար դիքերում, կարևորն այն է, որ Թուրքիան ոչ մի բան չի անում` կանանաց իրավունքները պաշտպանելու համար»,- ասել է Թուրքիայի կանանց իրավունքների պաշտպան Պինար Իլկարաչան: