Հունաստանը խոչընդոտում է "Ազատության նավատորմին"

Հունական ափային պաշտպանական ծառայությունը Կրետե կղզու Սիթիա նավահանգստում ձերբակալել է ֆրանսիական The Dignite/Al Karama զբոսանավը, որը միայնակ փորձել է «ճեղքել Գազայի հատվածի շրջափակումը»: «Ազատության նավատորմ-2»-ում ընդգրկված նավում եղել են 12 պաղեստինամետ ակտիվիստներ:

Նավատորմի մյուս նավերը ներկայումս կանգնեցված են հունական տարբեր նավահանգիստներում, նրանց արգելված է նավարկել:

Հույն պաշտոնյաները հայտարարում են, որ նավատորմի նավարկությանը խոչընդոտում են` հենց ակտիվիստների շահերից ելնելով: Ընդհանուր առմամբ, Գազայի հատված մեկնելու պատրաստակամություն է հայտնել 300 մարդ, այդ թվում` հանուն խաղաղության պայքարող եվրոպացի եւ ամերիկացի տասնյակ տարեցներ: