Քամու փոխարեն զեփյուռ

Վրացական ընդդիմության կազմակերպած հանրահավաքի մասնակիցները` «Ժողովրդական ժողովի» առաջնորդներ Նինո Բուրջանաձենի եւ Նոնա Գապրինդաշվիլիի գլխավորությամբ, Հանրային հեռուստաընկերության մոտից շարժվել են դեպի Թբիլիսիի Ազատության հրապարակ:

Ինչպես «Երկիր»-ին տեղեկացնում են Թբիլիսիից, երթին մասնակցել է 2000-2500 մարդ:

Մինչ Ազատության հրապարակ հասնելը ցուցարարները գրավել են խորհրդարանի շենքի առջեւ դրված ամբիոն-հարթակը, որտեղից վաղը` Անկախության օրվա կապակցությամբ, երկրի նախագահ Սահակաշվիլին պետք է զինվորական շքերթ ընդունի: Ընդդիմությունը հայտարարել է, որ ձախողելու է շքերթի անցկացումը: Երթի մասնակիցները վանկարկել են. «Միշան կհեռանա»:

Ի դեպ, «Ժողովրդական ժողովի» ակցիաներն արտոնված են Թբիլիսիի քաղաքապետարանի կողմից։